Јовановски од „Слобода превоз“: Бараме од Владата и Градот Скопје да интервенираат – како приватни превозници се соочуваме со економска штета, во спротивно ќе ги вратиме старите автобуси, но нема да протестираме
Енергетската криза затропа врз сечија врата. Поскапувањето на метанот од 50 на 110 денари предизвика дополнителен удар врз градскиот превоз што пак го натера приватниот превозник „Слобода превоз“ да размислува од сообраќај да повлече над 20 возила кои користат метан како гориво.
Иако договор меѓу нив, ЈСП и Град Скопје постои и функционираат по однапред утврдена цена за билетите, сепак додаваат истиот е проектиран врз цената на нафтата и дека со истиот не се опфатени возилата кои користат метан како погонско гориво.
За што всушност станува збор во Утрински брифинг разговаравме со Директорот на приватното претпријатие „Слобода превоз“, Ленин Јовановски.
-Ние вчера оддржавме прес-конференција. Доставивме и две барања за овој проблем и до Градот Скопје и до Владата за да најдеме начин како би можеле овие автобуси коишто користат еколошко гориво, а кои што ги имаме и ние и ЈСП, овие, не повеќе од 55 автобуси да можат да останат во сообраќај, бидејќи ваквиот скок на цената на метанот не е поднослив и не е економски исплатлив.
-Ова дотолку повеќе што приватните превозници во процесот на својата работа се исплаќаат по цена на километар, а пресметката се врши исклучиво според нафтата.
-Метанот и кога се појави како погонско гориво е момонетално најеколошкото погонско гориво и во поново време се набевени автобусите, а пресметките се правени пред повеќе од шест години, не сме претпоставувале дека може како гас кој што од секогаш бил многу поефтин од нафтата сега да биде скоро дупло поскап од истата.
-Затоа од Градот бараме да се изнајде начин евентуално да имаме промени во одлуката која што го регулира овој сегмент, а од Владата предлагаме да интервенира со дел од оние средства што се собираат како три денари еколошка такса од секој наплатен литар на гориво, вели Јовановски.
Целиот разговор погледнете го во видеото