Јовановски: Можно е ударот од инфлацијата да биде уште пожесток во овој месец

-Треба да се има во предвид дека во инфалцијата за месец мај не се влезени последните поскапувања на енергенсите. На крајот на минатиот месец завршија дел од оние антикризни мерки кои ги даде Владата и само за еден ден цената на бензините скокна од 8 до 9 денари и наредните денови плус уште денар-два, вели за Утрински брифинг Мирче Јовановски, новинар и аналитичар.

-Исто така скокна и цената за масло јадење, брашното итн…, така што можно е ударот од инфлацијата да е уште пожесток и во овој месец, вели Јовановски.

Според него темата за тоа како ќе се намали инфлацијата е тешко прашање.

-Според главните економисти инфлацијата во САД го има достигнато пикот, но Европа е друга приказна.

-Останува да видиме како, пред сѐ монетарните власти ќе се справат со тој проблем. НБРСМ почна со кревањето на основната каматна стапка, а тоа влијае врз цената на парите, на кредитите, вели Јовановски и додава дека генерално дилемата е дали да се оди со порадикални корекции на каматните стапки, кои пак може да предизвикаат рецесија.

-Главните стравувања се дека ќе се повторат 70-тите години од минатиот век, кога имаше таква ситуација и бараше многу економски жртви за сето тоа да се надмине, изјави Јовановски.

Целата анализа со Чомовски и Јовановски погледнете ја во видеото