Јовановски: Кога ќе се направи екоцид, нема враќање назад на истата животната средина

-Како Центар за правни истражувања и анализи долго време работиме на владеење на правото. Проблемите ги знаеме. Знаеме која е перцепцијата на граѓаните за владеењето на правото, но во делот на екологијата проблемите се уште поопсежни, изјави за Утрински брифинг Никола Јовановски од Центарот за правни истражувања.

Јовановски додава и дека Кривичниот Законик два пати е менуван во 2009-та и 2014-та година и сега има можност во голем дел од областите кои што се опфатени да се направат промени.

-Една од нив е главата 25, односно, заштитата на животната средина.

Тој вели дека како членови на работната група за измена на Кривичниот Законик се обиделе да направат промени, пред сѐ во дваесетина одредби и идејата била да се зголеми видот на казната.

-Сакавме на некој начин да се вклучат и правните лица, бидејќи до сега беа во најголем дел одговорни беа физичките лица.

-Она кое што ние го предлагаме ние е три нови дела, Закони кои што се предвидени во Законодавствата на ЕУ, но и дела кои што се специфични само за определени подрачја.

Целиот разговор погледнете го во видеото