Јаневски: Туризмот е стопанска гранка за која нема криза, но треба да се инвестира

Какви се проценките за тоа каква ќе биде туристичката сезона во земјава, ако се земе предвид дека е јуни, а капацитетите во Охрид се веќе полни?

-Се случува она што го зборувавме во февруари. Од 2020 немавме туристичка сезона поради ковид пандемијата, а сега Европа сака да патува. За Охрид очекуваме 70 чартери само од Холаднија и вкупно околу 130 чартер авински линии. Полска веќе отвори авиолинија до Охрид, а набргу очекуваме и од Белград, вели Љупчо Јаневски, директор на Агенција за промоција и поддршка на туризмот за Утрински брифинг.

Тој додава дека оваа сезона и кај нас туризмот ќе ги урива рекордите и се очекува да ја надмине 2019 година, а има и прогнози за раст на 50-50 отсто на приходите од туризам.

Во 2020 година го видовме другото лице – дека само туризмот за разлика од другите стопански гранки, ќе расте. Станува збор за прилив од 400 милиони долари, вели Јаневски. Тој додава дека турисмот не е само Охрид и езерскиот туризам. Во домашниот туризам се инверстира, но треба да се инвестира повеќе оти средствата се враќаат.

-Стратегијата што ја немавме досега сега се рефлектира. Имаме проблем со персонал во туризмот и угостителството. Потребно ни е да вложуваме во нашите кадри и да ги задржиме да работат тука. Ние се подготвуваме, но се соочуваме со предизвици и ги решаваме. Оваа економска криза нѐ научи на неколку работи. Едната е туризмот носи пари, а втората е дека треба да ги шириме капацитетите и човечките потенцијали, вели Јаневски.

Тој додава дека не само што треба да се вложува во нови туристички капацитети, туку треба да се вложува и во постојните капацитети и во подигањето на квалитетот на услугата и во обука на персоналот.

-Треба да се посветиме и на руралниот туризам. Ако не можеме да градиме во Охрид, можеме европските фондови за поддршка на туризмот да ги користиме за градење на други локации кои можат да понудат атрактивна туристична понуда. По статистика имаме 600 села во Македонија и тука има простор за развој на туризам. Нашите села се на 10-15 километри од Охрид или другите градови и тоа е поволност, вели Јаневски за Утрински брифинг.

Проследете го целиот разговор во видеото