Јакшиќ: Србија ќе мора да избере страна, неутралноста не е опција за воената криза во Украина
Бошко Јакшиќ е едно од најпознатите имиња на некогашното југословенско новинарство и воен известувач на „Политика“ од многу воени жаришта. Во Утрински брифинг со Јакшиќ овој пат разговаравме за состојбите во Србија која во контекст на украинската воена криза.
-Србија ќе мора да избере страна. Сеедно колку ќе му биде тешко тоа на претседателот Александар Вучиќ. Тој настојува да ги води преговорите со ЕУ и е кандидат за членство, но истовремено се доближува до Русија. Тоа е несоодветно за земја кандидат за ЕУ. Сега Вучиќ мора да се определи, нема неутралност по ова прашање и тоа не е притисок. Србија треба да ја усогласи својата надворешна оплитика со надворешната политика на ЕУ. Вучиќ уште од времето на анексијата на Крим вели дека нема да воведе санкции против братска Русија. Негов аргумент е што Србија 100 отсто зависи од рускиот гас, а вториот аргумент е помошта што ја добива Србија за косовското прашање. Но, сега работите стојат поинаку. Не дека Србија со санкции може да ѝ наштети на Русија, но прашање е на став, вели Јакшиќ.
Вучиќ беше во Германија и се сретна со германскиот канцелар Олаф Шолц. Притоа, навести дека Србија ја чекаат тешки времиња.
-Првата работа се однесува на санкциите против Русија. Втората тема за која се разговараше со Шолц се замрените разговори со Косово. Се одржува статус кво оти никој не нуди никакви нови решенија. Германија која се овлече во времето на Доналд Трамп, сега повторно се навраќа на косовското прашање, сакајќи да покаже дека ѝ е битно решавањето на оова прашање. Европа сака да биде обединета колку што е можно повеќе и не сака Западен Балкан повеќе да го гледа како издвоен регион. Тоа е шанса за регионот иако е комплицирано. Како што Македонија има проблем со бугарските „атентати“ на меѓусебните преговори, истото се случува и со српско-косовските преговори. Конкретни решенија нема, ама лидерите на Косово и Србија се договорија да се сретнат на 13 мај па веројатно и ќе почне нешто да се случува а во функција на стабилизација на Европа, вели Јакшиќ.
Прашање кое го буди интересот во регионот е зошто Србија се вооружува а е опкруена со земји членки на НАТО со исклучок на Босна и Херцеговина. Станува збор за огромни суми кои се трошат во време на криза.
-Јас сум против трошење стотици милиони евра на вооружување и според мене тоа е апсурдно. Овој свет е сѐ повеќе поделен и тоа сега се покажува многу отворено. Колективната безбедност чини многу помалку пари. Замислете Црна Гора да купи носач на авиони?! Освен тоа, се прашувам, од кого се брани Србија? Вучиќ вели дека тоа е одбранбено оружје, а јас не можам да видам кој тоа во некое догледно време би ја нападнал Србија?, вели Јакшиќ.
Целиот разговор погледнете го во видеото