Цветковиќ: Разводот не е ни добар ни лош, лош е брак по секоја цена
На темата развод Ирена Цветковиќ, извршна директорка на Коалицијата Маргини, објави текст кој предизвика внимание во јавноста. Тоа е тема за која ретко се зборува.
-Оваа тема ме тангира и професионално и приватно. Во јавниот дискурс доминира само едната позиција. Дека то е општествен проблем во кој државата и институциите треба да најдат начин да се надмине. За жал, таа позиција не само што е погрешна туку е и опасна. Современата литература покажува дека разводот не е ни добар ни лош, туку зависи од бившите сопружници, вели Цветковиќ.
После губење на близок поради смрт, второ на скалата по стрес е разводот.
-Разводот е последното во една конфликтна релација. Кога се инсистира дека бракот е најдобро од една релација и дека треба да се инсистира да опстои, дека силно ги погаѓа децата небаре конфликтите во семејството не го прават тоа, тогаш се создава лажна слика која ја имаме во нашето секојдневие на останување во лоши бракови заради децата наместо тргнување по еден потежок но посреќен пат, а тоа е завршување со добар развод кој ќе го има интересот на децата и подразбира две зрели личности кои сфаќаат дека нивниот партнерски однос е нарушен, но родителството и семејството што го создале останува, вели Цветковиќ.
Едната теза која ја побивате е дека на развод се решаваат себични родители.
-Тоа не е точно и тоа ќе ви го кажат разведени родители. Разводот е теѓок. Тоа не е себичност туку се личности кои бараат решение за својот проблем. Сигурно сте слушнале и дека партнери што немаат деца се себични, вели Цветковиќ.
Втората погрешна теза е дека бракот треба да се сочува од страна на институциите по секоја цена.
-Тоа сме го виделе во најлошите случаи. Сме виделе клиенти кои во центрите за социјални работи им се вели на жртви на семејно насилство да се вратат дома и да го решат конфликтот. Бракот по никоја цена не смее да биде со сила, ни камуфлирање на проблемите мислејќи дека така ги шштитиме децата. Кај децата има поголеми последици кога живеат во семејство каде постојано има конфликти. На разведени родители им е потребна помош и поддрша во смисла да се поптсетат дека се родители иако нивното партнерство завршило, вели Цветковиќ.
Третата теза е дека младите се хедонисти и затоа не сакаат да склучуваат бракови.
-Тоа не е точно. Во брак не е едобро да се влезе млад односно незрел. Тоа е заедница на две зрели личности кои се свесни дека бракот можеби ќе се развие во нешто подобро а можеби и не. Она што било пракса на времето, договорени бракови, немање сексуални дноси пред брак и слично, се надминати концепти, вели Цветковиќ.