Хаџимишев: Ако ТЕ-ТО работи добро, ќе го протуркаме јануари
Во оваа енергетска криза проблем се јави и со греењето. Имаме три испорачувачи на топлинска енергија во Скопје, два се соочуваат со сериозни проблеми, а БЕГ испорачува топлинска енергија, но благодарение на ТЕ-ТО, вели Димитар Хаџимишев за Утрински брифинг.
-ТЕ-ТО е технологија кога за првпат се применува во регионот – тоа се два типа на производство на енергија: топлинска енергија од струја и од гас. Таквиот технолошки пристап овозможува да работиме. ТЕ-ТО е 82% сопственост на руска компанија и има можност од руски компании да се снабдува со гас, станува збор за Гаспром. Во овој момент ТЕ-ТО и продава гас иако тука има проблем кој треба да го реши регулаторот, вели Хаџимишев.
Тешкотијата на ситуацијата е што нема решение. Русија има комплицирана енергетска политика кон Европа. Во Русија дури и да има демократија, зелените ќе реагираат дека треба да се исклучат нееколошки енергенси, а прашање е дали и гасот ќе влезе во тие нееколошки енергенси.
Градот Скопје треба да размисли што ќе прави со големите топлификациони системи. Во овој момент на ниво на град единстен начин е да се вклучи државата оти и да се почне нов енергетски објект за тоа ќе требаат 3-4 години. ТЕ-ТО е доволен засега за покривање на потребите на поголем дел од Скопје. Што се ооднесува до електричната енергија државата може да интервенира, но тоа зависи дали ќе имаме доволно домашно производство оти цените на светските берзи се неверојатно високи.
-Ако се успее да се има што поголемо домашно производство ќе ја надминеме оваа ситуација, но ако треба да купуваме струја од страство, тоа е комплицирано, вели Хаџимишев и додава дека најголем проблем ќе има текстилната индустрија која троши за плати и за струја, но проблемот е што пак странските купувачи имаат намалена куповна моќ со оглед на кризата.
Хаџимишев вели дека ако ТЕ-ТО не се соочи со проблеми и ако продолжи да работи вака, ќе се приклучат во купувањето на гасот и Железара и Скопје Север, па има надеж дека ќе се истурка најстудениот месец јануари.
Целиот разговор погледнете го во видеото