Субвенции во земјоделството – има ли пари во буџетот

Војната во Украина ја отвори „Пандорината кутија“. Се пали црвената сијаличка за една претстојна криза за храна. Државите го вклучија алармот како да обезбедат храна за своите граѓани.
Според Даниела Колева од СДСМ Северна Македонија како земја има доста обработлива површина која што во моментов не е во целост искористена.

-Таа слободна површина со Националниот план којшто го изготви МЗШВ се става на располагање, со којшто секој земјоделец кој има регистрирано земјоделско стопанство, ќе може да земе под закуп најмалку три хектари од таа земја. Би сакала да кажам дека околу 5.722 хектари се обработлива површина, со што ќе може да се започне со насади на пченка, пченица, сончоглед и јачмен, што ни дава сигурност да немаме увоз на овие производи, додава Колева од СДСМ

Според Здравко Трајанов од ВМРО -ДПМНЕ состојбата не е добра.

-Напротив, состојбата е проблематична. Капацитетите на државаата се многу мали. Ние го напуштивме државното производство на храна, така што капацитетите мора да ги бараме кај земјоделците.

Како што потенцира Трајанов, проблемот не е кај земјоделците да произведат храна, туку да им се овозможат услови истата да биде произведена, откупена по реални цени и соодветно пласирана.

Целата дебата погледнете ја во видеото