Стојанче Ангелов: Од денеска број за итни случаи 112
МВР ќе работи на целата територија на Скопје но одлучивме првите 10-тина дена пожарната и брзата помош да функционираат само на територијата на Скопје. Се работи за сложен систем, моја проценка како директор на ЦУК треба да се гради во движење бидејќи не можеме да чекаме.
-Не се работи само за координација, се работи за човечки потенцијали материјално технички способности. Ние ќе бидеме еден филтер кој што ќе ги филтрира повиците и ќе се прави листа на приоритети, според однапред одредени алгоритми.
-Во случајот ние ќе бидеме лошиот гласник, бидејќи поради можностите барем во прво време нема да може да одговориме на сите повици.
-Ние ќе ги прифатиме сите повици никој нема да биде одбиен, но како што напоменав системот ќе го градиме во движење.
-Остануваат да функционираат барем уште две години останатите броеви на МВР, брза помош, пожарна.
-Но тоа за граѓаните и не е толку важно она што е важно е да добијат брза и навремена услуга.
-Има прашалник по кој операторот се движи. Потоа многу лесно податоците одеднаш може да ги препрати на неколку места. Со пријавување кај нашиот оператор тој ги известува сите останати служби.
-Што значи со еден повик на располагање се сите служби. Го пробавме системот но вежбата никогаш не соодветствува на реална ситуација, но ние во првата фаза не очекуваме голем број на повици, треба време да се сменат и навиките и луѓето да научат да го користат овој број, изјави за Утрински брифинг директорот на ЦУК, Стојанче Ангелов говорејќи за европскиот број за итни случаи 112, кој од денеска се пушта во употреба и за македонските граѓани, кои во итен случај, со вртење на бројот 112, во најкраток можен рок ќе ги добијат услугите на полицијата, итната медицинска помош или противпожарната бригада, од каде било во државата.
Целиот разговор погледнете го во видеото