Стојаноски: Дроновите можат да летаат на максимално растојание од 500 метри хоризонтално и 100 метри вертикално од површината на земјата
Управувањето беспилотни летала во земјава станува се поголем тренд. Дроновите вооружени со одлични камери можат да дадат вистински поглед од птичја перпектива и со нив може да се направат преубави фотографии и видеа на кои никој не останува рамнодушен.
Но постои ли регулатива за тоа кој може да управува со вакво беспилотно летало во земјава, што треба да направите за да бидете оператор на дрон, може ли деца да управуваат дронови, и дали е потребна посебна регистрација на истите, е на овие и на голем број други прашања поврзани со темава во Утрински брифинг разговаравме со раководителот на секторот за воздушен сообраќај, Драги Стојаноски.
-Регулулативата во оваа област како и во многу други не може да се заснова врз техничките карактеристики на производот, туку истата има за цел нивната употреба да ја стави во некоја безбедносна рамка.
-На пример еден автомобил може да достигне брзина и до 300 километри на час, но ограничувањата на автопат е 120 километри на час.
-Во случај со дроновите од аспект на безбедноста на воздушниот сообраќај, бидејќи воздухопловите без екипаж не се едниствените учесници во воздушниот сообраќај, многу е битна и максималната висина на која што тие може да летааат, како не би дошле во контакт со останатиот воздушен сообраќај.
-Затоа во сега се уште важечката уредба за условите под кои воздухоплов без екипаж може да лета во македонскиот воздушен простор, која е објавена во Службен весник е предвидено дека во рамките на визуелната линија на видното поле, воздухоплов без екипаж на максимално растојание од 500 метри хоризонтално и 100 метри вертикално од површината на земјата.
-Значи со регулативата ја поставуваме рамката под која воздухопловите можат безбедно да оперираат.
-Одредени прозиводители на овој вид на воздухоплови ваквите ограничувања ги имплменетираат во самото софтверско решение, вели Стојаноски.
Целиот разговор погледнете го во видеото