Стојановска: Не ја разбирам забраната за пренос во Карпош, во совет не снимаме лични податоци туку одлуки за граѓаните
Кога ќе се погледнат европските извештаи најмногу се инсистира на транспарентноста. Групата на независните советници претставена од Невена Георгиевска предложи седниците на општината Карпош да се снимаат за граѓаните да имаат увид во работењето и одлуките на Советот на општина Карпош. За возврат, советниците изгласаа правилник за затворени седници.
-Ние за снимање не користевме приватни телефони, туку телефон добиен од општината. Транспарентноста ја истакнуваа сите политички и независни субјекти за време на кампањата. Нас нѐ нападнаа дека не смееме да снимаме оти наводно го кршиме Зконот за лични податоци, но тоа не е точно оти не станува збор за лични податоци туку за изјави на советници избрани од граѓаните, вели Татјана Стојановска, независна советничка во Општина Карпош.
Таа додава дека сега им се врзани рацете при донесувањето на буџетот на општината со одлуката за неовластено снимање.
-Зборуваме за буџет на граѓаните. Не можете да забраните да се знае како ќе се трошат парите на општината. Впрочем општината има свој Јутјуб канал и свои сниматели и можат да се искористат за пренесување на седниците во живо. Општината има апаратура. Не бараме тоа да се емитува на страната на Независни, може каде било да се емитува. Општината ги снима седниците ама до тие снимки не може да се дојде, вели Стојановска.
Таа додава дека вработените во општината ги доживуваат како нападни, а тие само бараат зглемување на транспарентноста на општината. На пример, општината мора брзо да одговори на испратени мејлови и барања, вели Стојановска за Утрински брифинг. Според закон, на сајтот на општината мора да бидат објавени и имињата на врабтените и граѓаните мора да ги имаат сите информации.
Правилникот од ЗЕЛС и Законот за локална самоуправа наложуваат јавност на седниците. Советникот не зборува од свое име туку од име на граѓаните од кои е избран.
Целиот разговор погледнете го во видеото