Сотировски: Мудроста на Синодот се докажа, сега е прашање кога и како МПЦ-ОА ќе стаса до автокефалија
Признавањето на Охридската архиепископија за канонска црква од страна на Вселенската Патријаршија е вест која ги надминува религиозните рамки и навлегува и во сферата на политиката. Со ова, во врска смисла, се легализира постоењето на МПЦ, иако во оперативна и административна смисла ќе се рпеговара за нејзиниот статус.
-Тоа е одлука која нам како народ и драва ќе ни даде поголемо значење. Го добивме она што генерации не успеаја да го добијат. Се потврдува дека патот по кој се движиме е исправниот пат, вели за Утрински брифинг Даријан Сотировски, претседател на Комисија за меѓуверски дијалог.
Српската православна црква молчи, исто како и Софија, а се огаси само Руската православна црква која повтори дека ја признава само СПЦ.
-Во позитивна смисла изненадува молкот на Белград за една олку важна тема. Оттаму немаме импулсивна реакција. И таму има созревање на ова ова прашање и се рпепознава реалноста, па сум оптимист дека може да дојде и до признавање од нивна страна. Односот што го има нашиот архиепископ Стефан со Вселенската патријаршија влева надеж, а можно е наскоро и сослужение на двајцата архиепископи, веи Сотировски.
Црквата и државата не секогаш се одвени дури и кога се одвоени. Влијанието на Руската православна црква во политиката на Русија, па и оваа сегашнава е многу големо.
-Човек сам на себе може да си помогне и да си одмогне. Ние сами си помогнавме, избравме стратешки пријатели. За сите напори што ги прави нашиот народ во политичка смисла ние добиваме помош од тие стратешки партнери. Сум бил присутен на официјалната и понеофицијалната средба на нашиот премиер Димитар Ковачевски со вселенскиот патријарх Вартоломеј и тоа беа многу плодни средби, вели Сотировски.
Сотировски вели дека во следниот период ќе се разговара практично за најмалите прашања, административните, оти главната работа е веќе завршена. Тој додава дека е паднат во вода ставот на СПЦ дека МПЦ произлегува од неа. Сега е прашање како да се дојде до автокефалијата, вели Сотировски.
Целиот разговор погледнете го во видеото