Ружин: НАТО по оваа криза во Украина барем уште некоја деценија ќе биде посилна Алијанса

Евроатлантскиот Совет на Северна Македонија во соработка со Министерството за одбрана, Едукативниот Центар М6 и НАТО Секторот за јавна дипломатија од Брисел, денеска го организира традиционалниот настан „Денот на НАТО – 4 Април”.

Станува збор за активност на Евроатлантскиот Совет на Северна Македонија која покрај одбележувањето на годишнината од потпишувањето на Вашингтонскиот договор и формирањето на НАТО, служи како настан чија цел е да ја информира пошироката јавност за развојот на настаните на глобално ниво, придонесот на државава и бенефитите од членството во Алијансата.

-Дали некој веруваше дека НАТО ќе помине 72 години веројатно знаат само татковците на НАТО. Првиот кризен момент во егзистенцијата на НАТО беше распаѓањето на источниот блок. Потоа беше повекувањето од Авганистан кко предизвик, па Трамп сметаше дека Алијансата е нефункционално, за сега во кризата во Украина сите да се сокриваат под НАТО како фактор на безбедност, вели Нано Ружин, поранешен амбасадор во НАТО во Брисел за Утрински брифинг.

Тој вели дека НАТО не само во Европа, туку и вон Европа во одбранбени и хуманитарни активности како што се поплави и слично.

-Овие настани во Украина покажаа дека Фукујама не е во право кога рече дека е дојден крајот на цивилизацијата. Тоа не е така. Како светот ќе изгледа во новиот меѓународен поредок исто не знаеме, ќе дојде до прегрупирање – Русија и Кина ќе се добижат, од друга страна не знаеме дали сме во нова Студена војна, но тоа ќе се дознае кога ќе заврши оваа криза, вели Ружин за Утрински брифинг.

Според Ружин, НАТО по оваа криза барем уште некоја деценија ќе биде посилна Алијанса. Во осумте држави околу Украина се распоредени 40 илјади НАТО војници, но треба да чекаме да видиме дали ќе дојде до мировен договор и каков ќе биде тој. Што би се случило кога Русија би ја загубила војната? Што би се случило ако Русија ја добие војната? Тоа како и да е отвора низа опасности со оглед на тоа што Русија има нуклеарно оружје. Особено доколку Русија ја загуби војната, таа не смее да остане изолирана, оти новиот глобален поредок подразбира комуникација, коментира Ружин.

-Ние сме во зона која не е од примарно значење, но е многу значајна. За нас е битен Преспанскиот договор кој ни овозможи да ја добиеме заштитата од чадорот на НАТО. Наш интерес е да останеме сојузници со Алијансата. Ако не бевме членки на НАТО сега можеби ќе имаше поголемо чувство на страв. Мора да бидеме задоволни д она што се случи по Преспанскиот договор. Секако, не сме територија врз која може да се изврши инвазија, вели Ружин.

Според Ружин, нашиот народ во оваа ситуација може да биде изложен само на економски последици со кои Владата успешно се справува, а неговите очекувања се дека сме на добар пат кон Европската унија.

Целиот разговор погледнете го во видеото