Проф. Миновски: Обновливите извори на енергија треба да бидат иднината на снабдување со електрична енергија

„Си-Ен-Ен“ и „Њујорк Тајмс“ пишуваат дека доаѓа голема енергетска криза во која што нема да има брзо и евтино решение. Наспроти ова се развива тезата, која е сосема легитимна, дека енергија има, но ако имаш пари. Прашањето каде ние како држава ќе се најдеме во трката на обновливи извори, како и на каков начин ќе можеме да направиме со конекциите со гасот, колку можеме да ја напуштиме зависноста од рускиот систем на дистрибуција, разговаравме во Утрински брифинг со проф. Драган Миновски.

-Денеска е почетокот на пуштањето на првата фотоволтаична во склоп на државната енергетска компанија – ЕСМ.

-Јас сум многу горд на тој прв чекор од таа компанија. Тоа е проект што е почнат кога јас бев директор на компанијата, бидејќи со тој проект ја почнавме енергетската транзиција и на нашата држава, меѓутоа и на нашата компанија. Тоа е проект кој што треба да служи за пример, и служи за пример, за сите земји во регионот и за сите енергетски компании, како во регионот, така и во Европа.

-За овој проект сме пофалени од страна на Европската енергетска заедница и од страна на Европската унија.

-Во моментов не можеме да се базираме само на фотоволтаични електрани, но обновливите извори на енергија и нивниот развој треба да бидат иднината на снабдување со електрична енергија, вели Миновски.

Целиот разговор погледнете го во видеото