Проф. Бошев: Македонија може сама да се прехрани, ситуацијата е сериозна, но не и драматична

-Во Македонија никој не умрел од глад. Апропо актуелната ситуација, точно е дека треба да бидеме внимателни, состојбата е сериозна, но не и драматична. Мојот став од секогаш бил дека од сопствени извори треба да обезбедиме наше производство. Годишно ние од пченица сме зависни од 330.000 тони од нив 280 илјади ги произведуваме.

-Најчесто увезуваме од Србија, Унгарија, а во последно време увезуваме и од Хрватска и Бугарија. Според моите информации имаме одредени резерви кои со години наназад се движат на едно исто ниво.

-Резервите секоја година се обновуваат, но моите проценки се дека со нив може да ги задоволиме потребите од месец до два. Веќе од јули почнува жетвата и ќе имаме сопствено производство, тука е и најавениот договор за увоз од Србија.

-Ова е специфична година, иако долгорочно гледано стратешки не треба да дозволуваме вакви ситуации во Македонија. Моменталното производство не ги задоволува домашните потреби. Краткорочно треба да размислиме што ќе правиме за оваа година, но и догорочно штои ќе правиме на ова поле во иднина.

Ние мора да обезбедиме минимум за сопствените потреби, имаме земјиште, можеби квалитетот не е воедначен, но Македонија има капацитет да се самопрехрани, вели за Утрински брифинг Проф. Дане Бошев, експерт за преработка на житни роизводи од земјоделскиот факултет.

Целиот разговор погледнете го во видеото