Полковник Стојановски: Криволак да го промовираме како регионален армиски центар

Во тек е вежбата на НАТО во Македонија која се одржува на полигонот Криволак како и во касарните во Штип и Петровец. Учествуваат 4.600 војници, а пред вежбата имаше многу подготвителни активности и ќе следуваат многу подготвутелни активности за заминување од вежбата. Учествуваат Албанија, Црна Гора, Грција и Бугарија како земји од регионот и уште четири поголеми земји од НАТО. Вежбата „Брз одговор“ се одвива истовремено на три локации во светот, вели полковник Владимир Стојановски, началник на секторот за вежби и обука на ГШ за Утрински брифинг.

-Опфатени се сите аспекти од војничкиот спектар на активности, пред сѐ воздухопловниот сектор но и сите останати. Ние испраќаме порака дека како НАТО дејствуваме заеднички, користите заеднички јазик – тоа е англискиот, а користиме и иста опрема. Очекуваме следните години вежбите да бидат уште поголеми. Шпекулации се дека оваа вежба е по повод настаните во Украина оти се подготвуваше повеќе од две години, вели полковник Стојановски.

Вчера беше отворен ден на вежбата кога граѓаните можа да дојдат и да гледаат ретко виден воздушен спектакл. Имаше надлетување на Ф-16 и беше многу интересно да се следи, вели полковникот за Утрински брифинг.

Целиот разговор погледнете го во видеото