Пенев од АКРОН: Имаме технолошка линија која успешно создава додадена вредност од стаклениот отпад

Интересно е како почна целата приказна, АКРОН почна 2001-та како компанија за производство на мебел. Бевме лоцирани во „Стаклара“ каде имаше големи количини на стаклен отпад кој од ден на ден се повеќе се зголемуваше. Помисливме зошто државата не направи нешто со ова, а потоа си рековме па зошто ние да не го направиме тоа.

-Првично немавме никакви сознанија за тоа како оди оваа работа, а кога прашавме ни рекоа дека тоа е неисплатливо и економски неоправдано, но ние бевме упорни во намерата. Разговаравме со еминентни познавачи од Англија која ни помогна да изнајдеме на некој начин исплатливост во процесот.

-Стаклениот отпад генериран во Македонија е од два извора амбалажа и индустриско стакло, количина околу 50 илјади тони. Центрите за третман на отпадно стакло во околината се под капа на стакларите и воглавно тие им ги покриваат трошоците. Тука нема математика и пари за да се покријат трошоците и тука ние најдовме други индустрии за инжењерски камен производ од рециклиран материјали од кои потоа се прави еден вид реплика на мермер.

-Нашите стаклени гранулати во моментов се извезуваат во Америка. Овој проект доби иницијална помош од Фондот за иновации во 2016 година. Уште тогаш ги гледавме обврските кои Македонија ги има преземено од ЕУ во своите предпристапни преговори и уште тогаш се вели дека Македонија во наредните години ќе преземе 60 отсто од стаклениот отпад за рециклажа но за жал до денеска едвај стигаме до 15, вели за УБ инженерот Александар Пенев од компанијата АКРОН.

Целиот разговор погледнете го во видеото