Настов: Зимската служба е спремна и перманентно интервенира

Обилните врнежи од снег не треба да бидат изненадување за овој дел од годината, но снежната покривка може да дојде ненадејно и да ги покрие градските коловози, а тоа пак знае навистина да предизвика проблеми во безбедноста и одвивањето на сообраќајот, а со тоа и во функционирањето на градот.

Но затоа пак тука е зимската служба на Град Скопје која будно ја следи ситуацијата на терен и доколку има потреба веднаш е подготвена да интервенира во расчистување на поголемите сообраќајници и патни артерии на градското подрачје.

За подготвеноста за брза реакција, капацитетите и ресурсите со кои располага и за тоа дали сме подготвени да ја дочекаме зимата во вистинска смисла на зборот во Утрински брифинг разговаравме со Борис Настов, директор на ЈП Улици и патишта.

-Ние сме спремни, зимската служба функционира од 15.11, досега активностите ни беа со дежурства на повик и со мониторинг преку Центарот за управување и контрола на сообраќајот, но немаше некои посериозни потреби.

-Перманентно интервенираме, успешно одговараме и реагираме согласно условите, вели Настов.

Според Настов, покрај ЈП Улици и патишта, во процесот на расчистување на улиците и коловозните површини активно се вклучени и другите јавни претпријатија како што се ЈП Паркови и зеленила, ЈП Комунална хигиена, ЈП Водовод и канализација, како и ЈСП за расчистување на просторот кај автобуските станици низ градот, а мора да се вклучат и куќните совети и фирмите за да овозможат пристап до своите објекти.

-Секоја општина има обврска да склучи договор за зимско одржување на својата територија, рече Настов.
Тој додава дека кога ќе падне снег во Скопје проблем настанува и патот кон Водно, каде се упатуваат голем број возила со несоодветна зимска опрема и го закрчуваат патот до таму па мора да интервенираа ЈП Улици и патишта во расчистување на метежот кој се создава.

Целиот разговор погледнете го во видеото