Наместо бадникови поворки, црвен тепих на хуманост

Наместо бадникови поворки, на плоштадите низ државата се поставени црвени теписи на хуманоста, во форма на хуманитарна акција во пресрет на Божиќ.

Марија Саздева од здружениетто „Бадникови поворки“ денеска во Утрински брифинг рече дека

• Втора година по ред Бадниковите поворки на радоста кои вклучуваат илјадници деца од цела Македонија се откажани поради пандемијата, и истите се заменети со хуманитарни акции. Имаме реакции од граѓани кои велат дека ако можат да се прават новогодишни забави во ресторани и клубови, зошто да се откажат поворките кои се на отворено, но сепак, ќе потенцирам дека станува збор за деца, а децата се заштитени со многу конвенции, и организирањето на бадниковите поворки би можеле да ни создадат повеќе грижа отколку радост. Нашиот начин на искажување на љубов, грижа и добрина како наша основна христијанска должност, ќе го изразиме на овој начин, вели Саздова.

Црвениот тепих на хуманоста е поставен на плоштадот „Македонија“ секој ден од 12 до 22 часот, а исти вакви црвени теписи на хуманоста има и во Штип, Кичево, Струга и Крушево, Битоа и Охрид.

Саздева вели дека ќе се обидат да излезат во пресрет на сите граѓани кои од нив ќе побараат помош, досега веќе има десетици такви, кои се уредно запишани на список.

• Една од нашите главни активности е возобновување на православни песни. Оваа година ја снимивме Божиќна серенада која ќе биде промовирана на Божиќ, најавува Саздева.