Муртезани: Испад на далекувод и пожар – две причини го оставија Скопје без струја
Голем дефект на далноводи причина за пожарот поради кој Скопје, делови од Штип, Свети Николе и други населени места останаа без струја.
Причините сѐ уште не се утврдени, но МВР ги проверува снимките од безбедносите камери поставени во близина на местата каде што се случија дефектите.
Екипите на МЕПСО веднаш излегоа на терен и за неколку часа беше воспоставено повторно снабдување со електрична енергија во поголем дел од населените места, а вработените во компанијата останаа доцна во ноќта да работат на целосно отстранување на дефектот.
На оваа тема во Утрински брифинг разговаравме со генералниот директор на АД МЕПСО Орхам Муртезани.
-Испад на далекуводот, трафостаницата Скопје 4 кон трафостаница Бунарџик и пожар во близина на трафостаницата беше причина за прекин со снабдувањето на електрична енергија.
-Овие фактори условија на испаѓање од погон на двата 400 киловолтни трансформатори. Диспечерите на диспечерскиот центар во АД МЕПСО експресно, во краток рок, воспоставија напон во најголем дел од насленеите места и за неполн час поголеми делови во Скопје се снабдуваа со електрична енергија.
-Заштитата на трансформаторите како најскап елемент во трафостаницата е многу осетлива и има основна цел да ги штити трансформаторите од оштетување на надворешни куси врски.
-Струјата на куса врска, на далеководот Бунарџик на кој вчера имаше дефект, може да достигне до 100 илјади пати поголема вредност од струјата во нормална напонска состојба. И за да се прекине таа струја треба да се исклучи напојувањето на двете страни од далеководот.
Според Муртезани исклучена е можноста човечки фактор да е виновен за дефектот кој вчера го остави главниот град без струја.
-Според експертското мислење на службите, станува збор за дефект која се појавува одвреме навреме и минимални се шансите да биде човечки фактор, бидејќи последиците можат да чинат човечки живот. Се работи за стандареден дефект кој се појавува одвреме на време, дециден е Муртезани.
Тој објасни дека екипите на МЕПСО до доцна ноќеска работеле на терен и во 3.30 по полноќ пуштен е напонот на далеководот Скопје 4 – Бунарџик, и сега цело Скопје има електрична енергија.
-Дојави за штети, до овој момент, нема, рече Муртезани.
Целиот разговор погледнете го во видеото