Мојаноски: СПЦ не може да одлучува за граѓаните и верниците на МПЦ
-Мислам дека се очекуваше дека годинава Вселенскиот Патријарх ќе одговори на барањето на МПЦ за дејствување на посебна афтокефална црква на подрачјето на Македонија. Беше очекувано дека вселенскиот патријарх согласно неговите надлежности и овластувања ќе се појави со иницијатива и некакво решение се очекуваше да донесе ваква одлука.
-Одлуката на Светиот Синод на Вселенската Патријаршија е во насока дека МПЦ се упатува кај СПЦ да ги реши отворените прашања. Возобновата на ОА како помесна црква која дејствува на подрачјето на Македонија е значајна одлука. Од тој аспект враќањето во СПЦ да разговарате за административните прашања првото прашање кое се поставува зошто сме изглегле од СПЦ а сега се враќаме да ја решаваме наметнатата шизма од СПЦ.
-Јас се надевам дека одлуката на СПЦ нема да се чека подолго отколку што се чекаше на одлуката на Вселенскиот Патријарх, но во црквата ништо не е сигурно бидејќи таму времето има друга димензија.
-Се смета дека најголем отпор на формирање на МПЦ уследи од патријаршиите кои сметаат дека во називот на црквата не треба да стојат национални одредници. Тука се Атинската, потоа Руската православна црква. Во однос на тоа какво е влијанието на РПЦ може да се каже дека на оваа група на цркви кои проповедаат на старословенски јазик нивното влијание е големо на Балканот.
-Судирот меѓу Московската црква и Цариградската црква се заостри со признавањето на украинската црква а нивните разлики особено може да се забележат во пораките кои ги испраќа СПЦ.
-Јас очекувам дека нема да се случу да влеземе во нов временски период на носење одлука за решавање на статусот на МПЦ. МПЦ сега како свој сојузник ја има Вселенската патријаршија.
-СПЦ не може да одлучува за граѓаните и верниците на МПЦ, вели за УБ проф. Д-р Цане Мојаноски, еден од најдобрите познавачи на црковните прашања во Македонија.
Целиот разговор погледнете го во видеото