Маричиќ: Има антизападна пропаганда во Македонија, Обвинителството истражува финансирање на партии

Македонската Влада го осудува нападот од Русија врз Македонија, а премиерот Димитр Ковачевски утрово разговарал телефонски со украинскиот премиер, соопти за Утрински брифинг виџепремиерот Бојан Маричиќ.

-Сите се мобилизирани поради оваа ситуација, а и Владата ќе одржи вонредна седница во текот на денешниот ден, вели Маричиќ.

Скандалот со руското финансирање на Конзервативната партија е огромен и се проширува, па се поставува прашањето колку и дали Русија финансира политички партии во Македонија.

-Не можам да шпекулирам кој и како влијаел со пари, сега и за време на изборите, но јасно беше антизападното влијание кај помалите партии. Обвинителството објави дека има предистражни постапки околу финансирањето, па ќе почекаме да видиме, вели Маричиќ.

Разговорите со Бугарија и потенцијалниот договор ќе предизвика реакции од опозицијата. Бидејќи темата е слична, наративот е сличен, но опозицијата досега нема никаква реакција.

-Опозицијата само декларативно е за НАТО и ЕУ, но кога треба декларативно да се определиме опозицијата молчи. Ова не е ситуација кога можете да останете неутрални. Самиот факт што се тивки по ова прашање значи дека калкулираат со изнесување став по едно важно прашање, вели Маричиќ.

Изминатиот месец имаше интензивна комуникација меѓу владите на Македонија и Бугарија, потсетува Маричиќ, но нема потреба од тоа политички да се калкулира и профитира.

-Нашата цел е сите прашања со Бугарија да ги ставиме во еден документ во кој ќе се дефинираат сите прашања, што е можно подетално, а тоа да биде посведочено од ЕУ со што ќе добиеме отстранување на блокадата за почеток на преговорите. Ние немаме проблем да се внесат Бугарите во Уставот, но тоа е подолг процес. Што и да договориме со Бугарија ќе треба време да се имплементира, ништо не се случува преку ноќ. А опозицијата треба да помогне, да се постигне консензус и да се решат овие работи, вели Маричиќ.

Според некои анализи Западот мора да ги консолидира редовите и да го прифати Западниот Балкан. Секоја криза може да биде и шанса.

-Ние жалиме за ова што се случува во Украина но сметаме дека ова е можнст Западот да покаже поврзаност со Западен Балкан. Балканот не е толку далеку од овие случувања, а има и политички структури кои се насочени кон Русија, па ЕУ ќе треба да покаже јасен став кон Западен Балкан, вели Маричиќ.