Малишиќ: Се наоѓаме во мат ситуација – се плашам да не остане пазарот без доволно количини на леб
Енергетската криза и ценовниот шок во момнтов и најавите за уште поголем раст на енергенсите од почетокот на новата година силно удрија врз економиите на државите, а допрва ќе го почувствуваат и домаќинствата.
Струја на слободните пазари има, но по екстремно високи цени. Тие се диктирани поради зголемување на цената на гасот кој пак во производството на електрична енергија во Европа учествува со 70 отсто.
Според последните калкулации цената на гасот руши рекорди на светските берзи, во Европа се продава по цена од 2.200 долари за 1.000 метри кубни.
И додека производителите на овој енергенс тријат раце поради рекордните профити, крајните корисници, особено помалите бизниси кои се потпираат на овој енергенс размислуваат на поскапување на производите за да можат да ги спасат своите бисниси.
Конкретно според статистиките во мелничко – пекарската индустрија 50 отсто од поголемите пекари во земјава користат гас. Поради поскапото производство извесно е дека ќе поскапат и основните прехранбени продукти, пред се лебот.
На оваа тема во Утрински брифинг разговаравме со Горан Малишиќ, претседател на Здружението на мелничко-пекарската индустрија при Стопанската комора на Македонија.
-Мелничко – пекарската индустрија, поготово пекарската индустрија е под голем удар во последниве неколку месеци, од неколку фактори.
-Прво во последнните два месеци суровините на светските берзи и локално и регионално се зголемија на над 70%. Во истиот период струјата се кажува и на светските берзи и кај нас и ја нема доволно. Зголемена за 300 до 400%.
-Тоа ги оптоварува производството со огромни трошоци, кои мора да е слеат во производот и секој производител поединечно мора да се снајде да издржи.
-Третиот најголем удар ќе бидеод 1 јануари, промената на цената на природниот гас, која како што се највува ќе биде зголемена од 200-300 проценти.
-Сите овие фактори придонесуваат до неизбежно зголемување на цените, кои во моментов не се можни поради забраната за зголемување на цени.
-Се наоѓаме во мат ситуација, каде што се плашам да не остане пазарот без доволно количини на леб.
-Во изминатот месец сме во комуникација и со Министерството за економија и вицепремиерот за економски прашања и сите овие проблеми ги најавуваме на време Владата да помогне. Доставуваме предлози како да се реши, да не се носи едностран закон за забрана на цена.
Целиот разговор погледнете го во видеото