Литовски: Крсте Црвенковски е дел од златната генерација на македонската државност
-Изненадување е што Ламбе Алабаковски го запали центарот Иванчо Михајлов. Кај нас е проблемот се што се партизира. Во јавноста се прави фама што едните бранат, а другите напаѓаат, изјави во Утрински брифинг историчарот Александар Литовски.
-Многу веројтно е дека нашите служби и нашите државни нстиуции не работат. Тука мислам пред се на нашите безбедносни служби, разузнавање и контраразузнавање, како и на македонската дипломатија. Целиот процес со Бугарија, како и претходно со Грција се води аматерски, вели Литовски и додава дека вакви работи се недозволиви да се случуваат.
-Отворањето на вакви клубови се типични провокации, смета Литовски.
Говорејќи околу значењето на Крсте Црвенковски, Литовски вели дека тоа е златната генерација на македонската државност, бидејќи тоа се луѓето кои што ја конституираа македонската држава и ги поставија сите оние институции, државни и национални, за една држава да може да се нарече држава и една нација да може да се нарече нација.
-Тоа е периодот 1945-1991 година, и секако Крсте Црвенковски е еден од тројца-четворица највисоки личности и е еден од најзаслужните за оваа држава како што ја знаеме сега.
-Во таа смисла тој е малку обработен. Веројатно во други држави, за такви врвни личности, како што е Крсте Црвенковски, Колишевски, Мито Хаџи-Василев, ќе се обрне повеќе внимание и тие се личностите кои ја правеле оваа држава, вели Литовски.
Целиот разговор погледнете го во видеото