Лалчевска – Серафимовска: „Улични библиотеки“ – да ја разбудиме свеста за книгата како најдобар другар
Најголемото богатство е знаењето, а најдобрата инвестиција е токму во негово збогатување и надградба. Книгите секогаш ќе останат во мода, а луѓето кои го следат тој тренд знаат дека секоја книга има посебна приказна која треба да биде прочитана.
Не можеш да купиш среќа со пари, но можеш да купиш книга или доколу сакаш да дојде до другите со кои сакаш да споделиш сега тоа е лесно.
За таа намена на повеќе локации во Скопје поставени се улични библиотеки во кои граѓаните можат бесплатно да позајмат книги, но и да остават на другите.
Проектот е на Детски културен центар „Карпош“, а на оваа тема во Утрински брифинг разговаравме со директорот на оваа институција, Билјана Лалчевска – Серафимовска.
-Проектот се спроведува веќе три години, но оваа година со поддршка на Град Скопје ние ги обновуваме овие улични библиотеки кои се наоѓаат на три локации – тоа е Градски парк, втората локација е Детски културен центар „Карпош“ и паркот кај Филхармонија.
-Целта на библиотеките е да се направат книгите достапни за сите. Тие се симбол на доверба и надеж. Книгите се бесплатни за позајмување и можат да бидат вратени или разменети за друга книга.
-Идејата произлезе од моментот – заедно да шириме книжевна среќа, вели Лалчевска – Серафимовска.
Целиот разговор погледнете го во видеото