Камчев: Русија се става во позиција да става вето на проширувањето на НАТО со што ги подрива темелите на Алијансата

За тоа како од Вашингтон изгледаат американско-руско-украинските односи во денешен Утрински брифинг разговаравме со Борис Камчев, дописник на МИА од Вашингтон кој долго време живееше во Москва.

-Таму не е толку актуелна оваа тема како во Европа. САД имаат други проблеми, со ковид, со инфлација, со меѓупартиски конфронтации, па оваа тема им е одвишок. Не би ја ставиле под тепих, но сепак не е примарна. Во Европа пак ситуацијата станува пожешка, вели Камчев.

Не знам дали е тука пренесено, Роман Абрамович, рускиот олигарх, поднел документи за португалско државјанство врз основа на документи дека е потомок на сефардските Евреи. Не е само тој, и олигархот Дерипаска доби кипарско државјанство кое потоа му беше одземено. Сѐ на сѐ, руските олигарси сакаат да се заштитат на некој начин, коментира Камчев.

Голем број од овие олигарси збогатени на сомнителен начин побегнаа во Израел.

-Затегањето на односите со Украина е стратегија на Путин за запирање на ширењето на НАТО. Русија се поставува како надворешна земја која става вето за ширењето на НАТО, со земји како Украина и Грузија. Со ова се подриваат односите во Северноатлантската алијанса, вели Камчев.

Путин сака да има нова Јалта со која ќе се решат сферите на влијание и интерес. Од друга страна, прашање е коку НАТО сака да ги прими Грузија и Украина, кои допрва би можеле да ја почнат процедурата која рае премногу долго.

Целиот разговор погледнете го во видеото