Атанасов: Во земјава има измами достојни за снимање филм
Има нагорен тренд на компјутерски измами. За тоа како да се заштитат фирмите и граѓаните во денешен Утрински брифинг поразговаравме со Роберт Атанасов, автор на прирачник за заштита од економски и компјутерски.
Прирачникот е збирка од случаи на компјутерски измами, покарактеристични за време на долгогодишното искуство на Атанасов.
-Живееме во динамично време кога желбата за профит е голема, луѓето не бираат средства. Така во областа на криминалот имаме таква ситуација. Измамниците напредуваат како што напредува технологијата и средствата за комуникација и се трудат да бидат најдобри исто како и во вообичаените професии, вели Атанасов.
Атанасов вели дека криминалот е дел од човечкиот карактер, еден криминалец може да биде во вашето соседство и не може да се каже дека постои определен профил на човек за кој ќе се рече дека е прототип на криминалец.
-Во оваа книга се опишува она што е најчесто. Обично измамникот е слаткоречив и убедлив. Затоа граѓаните мора да работат на сопствена едукација за новите технолошки и други трендови за да се заштитат од ваквите луѓе и она што можат да им го направат. Многу е битно да се соберат докази, а не да поклонуваме доверба секому, вели Атанасов за Утрински брифинг.
Тој вели дека полициското искуство укажува дека криминалот е застапен секаде каде што има повеќе од еден човек, а успешноста на полицијата се мери по превенирањето на криминалот а не толку по самото санкционирање.
-Живееме во дигитална ера. Комјутерите се користат од сите и секојдневно, тие го олеснуваат животот но можат да бидат и предмет на злоупотреби. Луѓето треба да бидат претпазливи при користење на јавните гласила кои се користат како алатка на измамниците. Секој наш оглас објавен за продажба на што и да е може да нѐ изложи на измамник, вели Атанасов.
Неговиот прирачник опфаќа најчести форми на измами, меѓу кои и две-три вистински инвентивни сценарија достојни за снимање филм.
Проследете го целиот разговор во видеото