Захов од ФК Шкендија: Со случувањата во ФК Вардар губи фудбалот во Македонија

Сакаме да ја зацврстиме нашата прва позиција и да работие на што подолго останување во Европа. Оваа година Шкупи има доста добра екипа, они се едни од фаворитите и за титула. Останатите ќе се борат за третотто место, но мислам дека пролетниов дел ќе ја даде комплетната слика, изјави во Утрински брифинг Костадин Захов, голман на ФК Шкендија.

За случувањата во ФК Вардар, Захов вели дека за ниедна екипа не е добро кога гледате дека поминува во транзиција.

Фудбалот губи во Македонија, сите знаеме кој е Вардар. Кога нема силен Вардар одма гледате дека лигата во некои делови е послаба. Многу порано некои работи требаше да се преземат, затоа што губи спортот во Македонија, смета Захов.

Здравата конкуренција е многу важна. Тоа те бутка напред, те тера да да се докажувате. Тој дополнителен мотив што го даваше Вардар сега го прави Шкупи, бидејќи доколку се опуштиме може да се најдеме во ситуација каде што не сакаме да бидиме. Ништо не е завршено, во ред е да сте фаворити, но сето тоа треба да го докажете на терен, вели Захов.