Жагар: Потребна е поголема промоција и информираност на јавноста за предностите на медијацијата во судските спорови

-Идејата на проектот кој што завршува во август 2022 година е да направиме промоција на медијацијата во судските спорови, со цел што е можно поголема примена во РС Македонија. Овој проект е поддржан, односно финасиран од Холандската амбасада, а наши партнери на проектот се Академијата за судии и јавни обвинители „Павел Шатев“, потоа комората на медијатори на РС Македонија и секако Холандската федерација на медијатори, изјави во Утрински брифинг Беба Жагар од Институтот за европска политика (ЕПИ).

Жагар вели дека во рамките на проектот направени се истражувања, односно анализи за примената на медијацијата која што е направена врз основа на претходно важечкиот Закон за медијација.

-Можеме да кажеме дека според бројките што ги имаме, медијацијата во РС Македонија се применува што е можно повеќе во однос на претходните периоди.

Жагар вели дека според податоците од е-регистарот во периодот од 2016 до 2021 година, 2511 спогодби се заведени, од коишто 55% завршиле успешно, што според Жагар е за пофалба.

-Најголемите успеси медијацијата ги бележи во работните спорови, околу 91%.

Жагар вели и дека не треба да се заборави дека медијацијата е релативно нов концепт кај нас, а главните причини главните причини зошто медијацијата е на незадоволително ниво се недоволните промоции на медијацијата, недоволната информираност на јавноста, на странките за предностите на медијацијата, додава Жагар.

Целиот разговор погледнете го во видеото