Д-р Трпевска: Бомбардирани сме од парченца информации кои ја нарушуваат моќта за критичко расудување
-Кога го основавме РЕСИС имавме идеја дека општествената наука треба да го набљудува критички и да го истражива и влијае на опкружувањето, а не да биде затворено во академски, образовни кругови. Тоа е мото и на многу големи социолози, вклучувајќи го и Макс Вебер, изјави во Утрински брифинг Снежана Трпевска, Д-р по социолошки науки.
-Ние тргнавме со уверување, можеби идеалистичко, не знам колку ќе успееме, бидејќи истражувањата многу не се вреднуваат, но сакаме да направиме истражувања кои малку ќе се разликуваат по квалитет, кои ќе направат нешто повеќе, кои ќе придонесат во нашата реалност. Тоа нашата визија и мисија, додава Трпевска.
-Во областа на истражувањето на јавното мислење има голема политизација и комерцализација на социолошкото истражување. Има и злоупотреба. Она што зачудува е дека во академската сфера има многу малку истражувања. Факт е дека и нашата држава не го поттикнува тоа. Од друга страна заради поставеноста на образовниот систем имате потреба од пролиферација на неквалитетни академски текстови, без да има поддршка од емпириско истражување, вели д-р Трпевска.
Целиот разговор погледнете го во видеото