Д-р Мехмедовиќ: Системот брзо се мобилизира, но треба да се фокусираме на превентивниот дел, а тоа е вакцината
-Пред две недели како Комисија кажавме дека ќе се водиме по една алатка која што ја користи Центарот за контрола на болести на САД, која што се однесува на начинот на пренесување на вирусот на ниво на заедница.
-Таму се мерат три битни параметри. Параметар на нови хоспитализации, параметар на слободни болнички кревети и параметарот на преносливост на вирусот, односно на нови заразени во текот на изминатите 7 дена.
-Доколку ги погледнете тие параметри, на ниво на Македонија, ќе видите дека во основа се работи за лоцирање на нивоа во заедницата која што има најмало ниво за трансмисија на вирусот и во однос на тоа, согласно извештаите што ги добиваме од Институтот за јавно здравје што ги добиваме на неделно ниво, може да видиме дека најмал број на ново заразени има токму помеѓу возрасните групи каде што предложивме да има укинување на маските. Таму имаме најмала хоспитализација, најмалку компликации, најмалку заболени, така што тоа се основните индикатори кои што на нас ни даваат можност да бидеме конструктивни во однос на тоа полека да ги релаксираме превентивните мерки донесени со Законот.
-Сѐ уште е на сила носењето на маска на наставничкиот кадар, административно-техничкиот кадар во училиштата, изјави за Утрински брифинг Д-р Злате Мехмедовиќ, портпарол на Комисијата за заразни болести.
Целиот разговор погледнете го во видеото