Данела Арсовска: Ова ќе ни биде еден тест за зрелост, колку сме подготвени да издржиме потрес наметнат од ситуација (КОВИД-19) која не можеме да ја контролираме
Пандемијата ќе ги стопира за извесен период економските движења, преносот на стоки и услуги. Ќе има периоди на сериозни финансиски испумпувања. За тоа како компаниите би можеле да се адаптираат, како да се сочува работниот потенцијал и бизнисот, а притоа да не доминира профитот како категоријална вредност, за сите овие категории и подкатегории поврзани со економијата во Утрински брифинг говореше Данела Арсовска, претседателка на Сојузот на стопански комори на Македонија.
Искрено да ви кажам дека многу ми е мило што ги немам слушнато овие изјави ( Дека ќе умреме или од КОВИД или од глад; Владата да ги плаќа надоместоците за овие што ќе одат на одмор). Прво треба да се апелира на сопствена одговорност, а понатаму на сите чинители во овој процес.
Треба сите да покажат едно ниво на свесност, и ова што ни се случува ќе ни биде еден тест за зрелост, колку ние всушност сме во ситуација да издржиме било каков потрес наметнат од ситуација која не можеме да ја контролираме. Треба да се изолираат вакви изјави од луѓе, кои веројатно не се учени на вакви непредвидени ситуации.
Но она што ние го апелираме од самиот старт беше да не бидат индивидуалните случаи водилка, да не дозволиме масовна хистерија и секој да ја понесе личната одговорност, а на крај да имаме само една цел, а тоа е ниту една компанија да не се затвори од ситуацијата сега, вели Арсовска.
Ние сме една мала економија која не смее да си дозволи да крахира во една ваква ситуација.
На секторот туризам двете раце и двете нозе одеднаш им се пресечени, затоа што им се отакажи сите аранжмани, сите објекти се полупразни, имаме забрани од владата за работење после 18 часот, како превентива, но мора да бидеме свесни дека сето ова ќе има економски импликации по компаниите во Македонија и не смее да се дозволи било кој да пропадне. Значи треба да се изнајдат механизми, а механзмите веќќе ги има, не треба да бараме повеќе или помалку од она што се покажува како добра пракса во државите во регионот, додава Арсовска.