Гордана Софија: „Генералка викенд“ – да почнеме од почеток, да ја исчистиме земјата од отпад и да се создаде еколошка обнова

Годинава по втор пат ќе се одржи настанот насловен како „Генералка викенд“ во кој голем број граѓани и волонтери ќе бидат вклучени во акција за чистење и селектирање отпад, како дел од десетгодишниот проект Зелена сончева 2021 – 2031 создаден од компанијата „Мен енд маунтен“.

Целта е да се собере што е можно повеќе отпад кој на крајот се мери и за секои 10 килограми ќе се засади по едно дрво. Лани на овој предизвик одговорија 10 општини во државава, а оваа година се активираат 21 општина.

Целта е еколошка обнова, рециклирање на отпадот од минатото и создавање нова зелена иднина.

На оваа тема во Утрински брифинг разговараме со Гордана Софија еден од основачите на компанијата која застана зад овој проект.

-Идејата почна од еден спонтан разговор со мојот партнер од Австрија. Тој е вљубен во Македонија и за него беше несфатливо како може една толку убава земја, со толку природни и културни богатства, луѓето да не се среќни. Идејата беше да не се жалиме на она што не е можно, туку да го направиме она што е можно, да го направиме живото подобар тука.

-Размислувавме што можеме да направиме и да промениме, но моравме да почнеме од почеток, односно да ја исчистиме земјата од отпад и да се создаде еколошка обнова.

Целиот разговор погледнете го во видеото