Во Брисел задоволни од посетата на Петков на С Македонија – прашањето треба билатерно да се реши
-Главната забелешка на медиумите и на набљудувачите беше дека ја искористи платформата како предизборна платформа. Знаеме дека Франција ќе има претседателски избори во април и многу медиуми му забележаа дека Макрон го искористи овој клучен договор каде што треба да ги презентира приоритетите на неговото претседателство повеќе како изборна кампања отколку како претседавач на ЕУ, изјави за утрински брифинг новинарката и дописник од Брисел Тања Милевска.
-Имаше разговори дека можеби немаше да биде лошо Франција да се смени со Чешка и да го оддржи претседателството во вториот семестар, наместо сега во сред изборна кампања.
-Што се однесува до оние внатрешни дипломатски и европски функционери една од најголемите грижи што се појави беше дел од говорот за РУсија, каде што Макрон предлага посебен формат ЕУ – Русија, да се дискутира за безбедносната архитектура на ЕУ во разговори со Русија, во кој што би се бајпасирале другите трансатлантски партнери како САД и НАТО и ова навистина многу ги испаничи голем дел од дипломатите, потенцира Милевска.
-Блинкен официјално е поканет во понеделник од страна на Борел да земе учество во редовниот министерски состанок за надворешни работи, за да се дискутира за Русија и безбедноста на ЕУ. Тоа е прилично силен сигнал и целта е да се изгради една заедничка трансатлантска позиција без поделби од внатре, вели Милевска.
-Позитивно е што Макрон го спомна зборот проширување, но ако се преслуша целиот говор, тој тоа челенство го запишува во многу долг рок и претходно мора ЕУ да се реформира од внатре, и јасно рече дека со со 32 членки ЕУ нема да може да функционира и конференцијата за Балкан што ќе се организира во јуни ќе биде фокусирана на тоа како да се реформира ЕУ од внатре за да може да биде подготвена да ги апсорбира новите земји членки, смета Милевска.
-Сите се задоволни што се случи посетата на бугарскиот премиер на С Македонија, има некое чувство на обновување на односите, но никој во Брисел не сака да коментира, бидејќи сакаат тоа да остане билатерално прашање, за да не се дозволи она што го гледавме во последниве година дена, почна д аго парализира процесот на проширување со С Македонија.
Во разговорот се вклучи и аналитичарот и новинар Дејан Андоновиќ според кого ултиматумот од Путин – или ќе излезете во пресрет на нашите барања за безбедносни гаранции дека нема ширење на НАТО кон исток, што дополнително се предизвика со неодамнешните амбиции на неутралните ддржави Шведса и Финска да размислуваат да влезат во НАТО е дополнителен проблем за Москва.
Целиот разговор погледнете го во видеото