Бучковски: Бугарското општество сѐ уште не е подготвено да поддржи кревање на блокадата

Денеска во 10 часот ќе биде промовиран нов клуб на пријателство меѓу Бугарија и Македонија. Тоа е неформална мрежа на видни итеектуалци од двете земји кои не се предаваат од елбата за искрен дијалог во моменти закои сметаме дека се критични, вели проф. Владо Бучковски.

-Се обидуваме со граѓански ангажман да се спроитвставиме на говорот на омраза на оние кои го искористија моментот на отворањето на клубот „Ванчо Михајлов“. Оваа влада на Петков е на стаклени нозе. Мојата улога е поврзана со граѓанскиот сектор, оти сметам дека напорите на политичарите не се доволни, вели Бучковски за Утрински брифинг.

Тој смета дека поголема е нервозата во Софија отколку во Скопје, а политиката на ВМРО-ДПМНЕ е константна. Сметам дека треба да побараме и ние гаранции за заштита на идентитетот, вели Бучковски.

-Владата на Петков која најави дека ќе работи за иднината, а не за минатото, предизвика нервоза во Бугарија. Тој беше изложен и од националистите во Бугарија, но ги загуби и симпатиите во Македонија, со право.

-Ние бараме точки што можат да нѐ поврзат. Двете земји се охрабрени од ЕУ дека сега е моментот да се постигне договор, но како да се нема расположение. Османи рече дека како да се затвора прозорецот, но не треба така, мора да се работи на приближување, вели Бучковски.

За можноста Русија да го искористи овој момент, Бучковски вели дека таа секако ќе ја искористи и ја користи, оти прашањето не е само меѓу Бугарија и Македонија туку се однесува и на ЕУ.

-Односите помеѓу двете влади се на потребното ниво, но не можат да го имаат потребниот ефект кога во Бугарија има министер за надворешни работи која го обвинува Петков дека води издвоена агенда од онаа на владата. Бугарското општество сѐ уште не е подготвено да поддржи кревање на блокадата, вели Бучковски.

-Оваа мрежа што ќе се оформи денес треба да покаже дека може да има дебата дури и кога има спротивставени ставови, вели Бучковски и додава дека Стефан Дечев денес ќе предложи формирање на историска комисија во сенка која на научно ниво ќе дебатира.

-Прашањата на личности и настани кои нѐ поврзуваат се најспорните точки кои го одржуваат меѓусебниот конфликт замрзнат и тоа требаше да се очекува уште на почетокот. Ветото направи мечкина услуга на Бугарија која со ова го загуби лидерството со зголемувањето на говорот на омраза, вели Бучковски кој додава дека преговорите што се водат меѓу двете влади треба да бидат потранспарентни.

Целиот разговор погледнете го во видеото