Бранѓолица: Потребно е подигање на јавната свест за решавање на проблемот со отпадот

Скопје е град кој што постојано се шири и расте. Градежната експанзија е во пораст од година во година, а тоа пак придонесува за зголемување на бројот на домаќинствата кои живеат во главниот град.

Растот на жителите се рефлектира врз сите области на секојдневното живеење како и врз функционирањето на градот. Градските власти постојано се во потрага по стратегии со кои на долг рок би го решиле опслужувањето на основните потреби на граѓаните меѓу нив и отстранување на сметот кој меѓу другото се продуцира и во домаќинствата.

За споредба количеството на собран отпад во 2021 година во однос на претходната 2020 година пораснало за дури 8.202 тони.

На оваа тема во Утрински брифинг разговаравме со Ана Марија Бранѓолица, портпарол во ЈП Комунална хигиена Скопје.

-ЈП Комунална хигиена Скопје има капаците за соправување со отпадот, но она што е најзначајно е да се спроведе една кампања за подигнување на јавната свест кај жителите на Скопје. Без примарна селекција на отпадот, количествата на комунален отпад кои што се одлагаат, а се транспортирани од страна на претпријатието, секоја година ќе растат.

-Целиот смет доколку е собран од страна на нашите екипи завршува во центрите за селекција на отпад.

Целиот разговор погледнете го во видеото