Богоевски: ВМРО-ДПМНЕ ја бојкотира цела држава затоа што не и се допаѓаат резултатите од изборите, штетата е врз граѓаните

-ВМРО-ДПМНЕ ја бојкотира Северна Македонија уште од 2016-та година кога не ги признаа резултатите и не дозволи формирање на парламентарлно мнозинство со месеци, па знаеме како заврши тоа. Овој активен и официјален бојкот е само признавање на тоа што го прават со години претходно, затоа што Собранието беше блокирано долго време и пред ВМРО-ДПМНЕ да најави дека оди во бојкот, изјави во Утрински брифинг граѓанскиот активист и поранешен пратеник Павле Богоевски.

-Не знам што ќе биде вечерва, претпоставувам дека ќе си се чукаат во рамо и ќе си се фалат колку успешно успеале да ја блокраат државата и најзначајните институции во неа и тоа во најголемата криза која што е запамтена во изминатиот пола век. И не очекувам ништо повеќе тоа, додава Богоевски.

Според Богоевски разликата е во тоа што едно е да не се признава институција, а сосема друго е да се блокира цела држава затоа што не ви се допаѓаат резултатите од изборите.

-ВМРО-ДПМНЕ ја блокира цела држава заради тоа што не и се допаѓаат резултатите од изборите, смета Богоевски.

Целиот разговор погледенте го во видеото