Атовска од Украина: Црн ден за новинарството – двајца колеги ги изгубија животите
Специјалниот известувач од Украина за „Утрински брифинг“ и „Слободен печат“ Кристина Атовска утрово јавува за најновите случувања во земјата која еден месец е цел на жестоки напади на руската воена машинерија.
-Лоши вести за нашата (новинарска) фела. Вчера беше црн ден за новинарството. Двајца наши колеги изгубија животите. Еден колега во пукање во Мариупол, друга наша колешка во пукање во Киев.
-Во едно градче во областа на Запорожје, во 7 часот наутро упаднато е во куќа на новинарка и киднапиран е нејзиниот 79-годишен татко. Се уште не е ослобден. Има уште еден случај пријавен – исчезнат новинар во Киев кој последен пат е виден како снима на линијата на фронтот во Киев.
-Властите рекоа дека од денеска сите новинари кои се наоѓаат во Украина се новинари на фронтот, вели Атовска.
-Довербата во Зеленски е огромна. Нема човек со кој што разговорав кој нема 100% доверба во претседателот. Но ова не важи за меѓународните институциите. Луѓето се разочарани и од НАТО и од другите држави, со исклучок на Полска.
Најновите случувања во Украина ги анализираше и новинарот и аналитичар Дејан Андоновиќ кој рече дека Меѓународната зедница ја губи довербата кај Украинците.
-Полека почнуваат да доаѓаат сигналите дека Меѓународната заедница толку може да помогне. Русија како Русија се прегрупира и прашањето е што потоа.
-Следната фаза е Одеса, за да стане Украина континентална држава.