Атовска од Украина: Не добивме конкретни одговори со каков предлог доаѓа Макрон во Киев

-И да имало нешто конкретно вчера на разговорите во Киев на Макрон, Шолц и Драги со Зеленски, не ни беше соопштено на нас новинарите. Се она што го добивме како изјави во јавноста се однесуваше на изразување поддршка, јавува од Киев, Украина, Кристина Атовска, репортерот на „Утрински брифинг“ и „Слободен печат“.

-Ветено беше уште повеќе оружје, но она што сите овде го очекуваме е тоа со каков предлог доаѓа Макрон на средбата со Зеленски. На тоа не добивме одговор. Средбата траеше долго. Прво пристигна во Хотелот „Интеконтинентал“, па заминаа во посета на Ирпин, и изјавите кои ги дадоа беа во контекст дека се свесни за уништувањето, дека се свесни за големиот број цивилни жртви, но не слушнавме ниту еден конкретен предлог.

-Потоа заминаа во претседателската палата. Таа средба траеше со часови и пред новинарите ги повторија истите фрази, додава Атовска.

Целиот извештај погледенте го во видеото