Атовска од Украина: Вчера евакуирани 8.000 граѓани од кризните подрачја, зачестени аларми за нови руски напади

Специјалниот известувач од Украина за „Слободен печат“ и „Утрински брифинг“ Кристина Атовска утрово јавува за најновите случувања во земјата која речиси еден месец е цел на жестоки напади на руската воена машинерија.

-Во текот на ноќта во Лавов имаше малку пократки аларми. Во текот на вчерашниот ден 8.000 граѓани се евакуирани од кризните подрачја. Најмалку по 1.000 граѓани повеќе дневно се евакуираат претежно од источните делови на Украна каде нападите се најжестоки. Инаку, доставата на хуманитарната помош се одвива подобро, над 20 тони хуманитарна помош во погодените региони, известува Атовска.

Таа наведе дека има голема активност на небото над Украина и тоа го регистираат украинските служби кои веднаш ги алармираат граѓаните на загрозените градови да се скријат во засолништата.

-Повеќе кратки треводи имаше во Лавов во текот на вчерашниот ден. Дводневен полициски час е воспоставен во Киев во нападот на трговскиот центар и други објекти во главниот град на Украина. Таму според јавувањата од колегите има улични борби и бомбардирање. И во Одеса имаше имаше напади иако претходно деновиве не беше цел на напади. Руската авијација или дронови се присутни на небото, вели Атовска.

Таа се осврна и на политичките изјави на украинскиот претседател Володимир Зеленски кој рече дека е подготвен да преговара лично со Путин, но каква и одлука да донесе таа ќе мора да оди на референдум пред украинскиот народ.

-Претседателот Зеленски рече дека не може сам да донесува одлуки туку што и да се донесе ќе оди на референдум. Тој е подготвен да преговара со Путин, нагласи Атовска.

Таа се осврна и на прес конференцијата на началник на украинската царинска служба кој ги замолил белоруските власти да не им прават проблеми на украинските граѓани доколку некои од нив сакаат да одат на таа страна иако поголем број од граѓаните бегаат на Запад.

-Се огласи и белоруската опозиција и покрај тоа што во земјата информирањето е строго контролирано и со еден државен канал и изрази големо противење на нивниот претседател Лукашенко. Тоа што го прави тој, е нелегално и тие ќе се борат и на меѓународен план нивниот претседател на престане со таквите активности, јавува репортерката Атовска.

Најновите случувања во Украина ги анализираше и новинарот Дејан Андоновиќ кој рече дека информациите од теренот се многу контрадикторни.

-Едно е сигурно. Луѓе гинат таму. Според украинските извори Русите имаат проблеми со логистиката, оружје и муниција имаат за само 3 дена што покажува дека руската армија на теренот играше само на една карта, на воената тактика, а притоа направи клучни грешки во логистиката, рече Андоновиќ.

Целиот разговор погледнете го во видеото.