Атовска од Киев, Украина: Нема изгледи за брзо завршување на војната

-Нема изгледи дека брзо ќе заврши војната во Украина. Русите рекоа дека во еден ден може да заврши доколку украинските војници го положат оружјето, но тоа со сигурност можам да кажам дека нема да се случи Такво расположение овде нема ни одблиску. Така што не можеме да очекуваме дека брзо ќе заврши оваа војна, јавува од Киев, Украина, репортерот на „Утрински брифинг“ и „Слободен печат“, Кристина Атовска.

-Вчерашниот ден помина многу помирно, за разлика од било кој друг. Сите овде претпоставуваме дека тоа се должи на посетата на индонезискиот претседател, кој пак оддржува и добри врски со рускиот претседател Путин.. Тој го покани и на Самитот Г20, но сепак има отпор од одредени европски лидери Путин да присуствува во живо, но не е искучена можноста двајцата претседатели, на Украина и на Русија да се вклучат онлајн, јавува Атовска.

-Во секој случај, нападите врз Украина продолжија, но не со толкав интензитет, како што сме навикнати да гледаме кога е во посета странски државник, вели Атовска.

Целиот извештај погледнете го во видеото