Арсовски: Потребен ни е заеднички наратив во државата, за да не дојдеме до сосојба на летаргија или радикализација
За тоа дали Македонија има план Б за евроинтеграциите доколку преговорите со Бугарија не вродат со плод и не се симне ветото разговаравме со аналитичарот Петар Арсовски за Утрински брифинг.
-Петков беше како паднат од Марс на отворањето на клубот „Ванчо Михајлов“ во Битола, а очигледно беше дека орото го водат Јотова и Каракачанов. Тој беше како во стапица. Сосема е можно Петков да немал избор освен да дојде на тој настан, вели Арсовски.
Реално атмосферата во Бугарија е таква што Петков не може да очекува подобрување на односите со Македонија. Од друга страна, ние немаме алтернатива освен евроинтегративните процеси.
-Петков нема моќ да го надмине сентиментот ако нема консензус. Наративот на Бугарија е инаков од политиките на Петков. Наше беше да се обидеме да ги надминеме пречките, да бидеме возрасните во спорот. Стејт департментот во последно време интензивно врши притисок врз Бугарија, а нам ни е од полза стратешкиот договор со САД, вели Арсовски.
Тој додава дека спорот може да се реши за еден ден, но може и да трае и со децении. Во основата на проблемот е политичката волја во Бугарија, оти за нас е прифатлив португалскиот предлог. По јуни ќе влеземе во една ситуација кога Европската Унија ќе почне да ја преиспитува својата политика за проширување, па оттука треба да се искористат сите шанси, вели Арсовски.
-Мене не ме загрижува реториката на опозицијата, тоа е редовен наратив на опозицијата дека ништо не чинии дека треба да има вонредни избори. Мене ме загрижува промената на политичкиот наратив на поддржувачите на Унијата. Ние со право сме разочарани и лути, а реалено немаме друга опција оти и географски пропаѓаме на ЕУ. Прашањето е како да го изведеме процесот. Нам ни се потребни суштински реформи дома, но дали имаме таков потенцијал за промени кои ќе ги спроведеме сами без надзор од ЕУ, вели Арсовски.
Ни тие то се на власт ни гласачите не се расположени за предвремени избори, но ако блокадата на Собранието ескалира, расположението можеби ќе се промени, вели Арсовски и додава дека можеби е време да се разговара за некаква коалициона, заедничка влада, со цел да се изгради заеднички наратив за да не дојдеме до ситуација на летаргија или радикализација.
Целиот разговор погледнете го во видеото