Андоновиќ: Србија изгласа промена на уставот

Со 60 проценти од излезентие граѓани ЗА и 39 против граѓаните на Србија вчера ја подржа иницјмативата за уставните измени со кои воведуваат нови правила во начинот на избор на судии и обвинители. Тие повеќе нема да бидат директно избирани од парламентот. Собранието на Србија сега ќе гласа за четворица истакнати адвокати кои ќе бидат членови на Високиот судски совет, односно Државниот совет на обвинители.

Тие потоа заедно со останатите членови на овие две тела (вкупно 11) ќе избираат судии и обвинители. Се укинува и пробниот мандат на судиите, па тие нема да се избираат првпат три години, туку цел работен век, под услов да не прекршат дел од правилата за вршење на функцијата од законот.

Владеачката гарнитура предводена од српскиот рпестедател Александар Вучиќ оцени дека преку вчерашниот референдум за прв пат власта сама себе си се развластила односно дека – од кога постои парламентаризмот, Народното собрание избирало судии и обвинители. По вчерашниот рефенендум изборот на судии и обвинители веќе нема да има никаква врска со законодавната и извршната власт.

Претседателот на српкото собрание Ивица Дачиќ изрази задоволство што граѓаните ја потврдија одлуката на парламентот, сугерирајќи дека таа ќе има различни позитивни ефекти во евроинтеграциите и за подобар живот на сите граѓани, вклучително и прашањето за отворање на Србија за усогласување со европското законодавство, а со тоа и со странските инвестиции.

Уставните измени беа поздравени и од официјален Брисел, кој преку европскиот комесар за проширување Оливер Вархеји оцени дека „гласачите во Србија на референдум ја поддржале промената на Уставот со цел да се зајакне независноста на судството“.
„ Го поздравувам овој важен чекор и посветеност на патот кон ЕУ. „Ќе продолжиме да работиме со српските власти на амбициозна реформска агенда, унапредување на интеграцијата во ЕУ“, изјави Вархеј.

Противниците на референдумот пак, српската опозиција смета дека не постои политички, професионален или општествен консензус за промена на Уставот и дека немало широка стручна и општествена дебата за толку важно прашање.

Опозицијата смета деека власта со водењето на кампањата за излез на референдумот, го намалува вниманието и енергијата насочена кон изборите на 3 април. Има обвинувањ аи дека граѓаните на Србија гласаче за нешто што ниту им било јасно ниту пак објасенто.

Многумина сметаат дека нема логика е да се исклучи парламентот од изборот на судии, бидејќи судит носат пресуди во име на народот, а единствената врска меѓу народот и државата е парламентот. Имаше и такви кои сметаат дека власта преку вчерашното гласање за уставни измени сака да протурка во иднина на граѓаните да им се понуди повторно некакви промени кои можеби ќе се однесуваат за нејзиниот територијален интегритет.

Останува да се види што точно ќе добие Србија и дали овие уставни измени ќе и го забрзаат патот кон евроинтеграцијата на земјата.