Андоновиќ: Руските сили од околината на Киев се прегрупираат кон истокот на земјата – Донбас старо – нов фронт на руско украинскиот конфликт
Руските трупи лоцирани околу Киев започнаа со намалување на своето воено присуство во оваа област. Информацијата ја потврдија и украинското и НАТО разузнавањето кои предупредија дека повлекувањето на руските сили е всушност прегурпирање на војската која се обидува тежиштето на воениот конфликт да го префрли кон истокот на земјата. Главната точка според украинците е регионот на Донбас, кој беше и главната причина за започнувањето на руската инвазија на Украина. Имено проруските сепаратисти во Доњецк и Луганск се уште не го контролираат теренот, однсоно, и натаму траат судирите со Украинската армија. Руските сили за безбедност изминатите 35 дена беа насочени кон осовојувањето на градот Мариопол, и по неговото освојување, следно најверојатно ќе биде чистењето на Донбас од останатите украински единици.
Се смета дека Путин и Кремљ ја менуваат стратегијата. Се откажуваат од осовојувањето на Киев и се насочуваат кон утврдување на своите позиции во Источниот и јужниот дел на земјата.
Донбас и Харков на Исток и веројатно потоа Одеса на Југ, се логичните идни потези на Путиновата воена офанзива.Третиот правец на офанзивата би бил насочен кон централниот град Дњипро со чие освојување Руската армија би ја поделила Украина на два дела.
Доколку сета оваа воена операција биде реализирна, русите би конторлираале цел исток и Југ на Украина. Харков и Донбас на Исток, главното пристаниште на Азовското море Мариопол и еветнуалниот поморски и воздушен десант на Одеса, пристаниште на Црното море.
Со отцепувањето на Украина од морското крaјбрежје, и контролата на Исток, Русија веројатно ќе се здобие со добри преговарачки позиции. Останува да се види динамиката на овие евентуални планови бидејќи повеќе од сигурно е дека Путин сака да ја заврши воената интенрвенција врз Украина до 9 мај, кога традиционално неговата армија прави голема воена парада во Москва. Во тој случај доколку воените планови успеат, руската војска најверојатно победнички ќе продефилира низ Москва прикажувајќи ја големата победа на Русија врз фашизмот и успешната денацификацијата на Украина.