Андоновиќ: Продолжува борбата за доминација меѓу САД и Русија – Бајден испрати проектили во Украина кои ќе го сменат текот на војната!
Иако првично вети дека нема Претседателот Џо Бајден најави дека САД сепак ќе испратат понапредни ракетни системи во Украина за да и помогнат да се брани.
Бајден вели дека овие поректили ќе им помогнат на украинците „попрецизно да ги таргетираат клучните цели на бојното поле”.
Во денешен напис во Њујорк Тајмс Бајден вели: „Брзо тргнавме да и испраќаме на Украина значителни количества оружје и муниција за да може да се бори на бојното поле и да биде во најсилна можна позиција на преговарачката маса”.
Висок претставник на администрацијата на Бајден изјави во текот на денот дека САД ќе ѝ го дадат на Украина високо подвижниот артилериски ракетен систем М142 (HIMARS), со што ќе ги подобри способностите на Киев на бојното поле додека се бори против руските освојувачи.
Новото оружје ќе го вклучува високомобилниот ракетен систем М142 (HIMARS), изјави висок претставник на Белата куќа – иако не прецизираше колку ќе бидат испорачани. Системите можат да лансираат попрецизно наведувани проектили на цели на оддалеченост од 70 километри (45 милји) – далеку од артилеријата што моментално ја има Украина. Исто така, се верува дека тие се попрецизни од нивните руски еквиваленти. Минатиот месец, шефот на украинската армија рече дека стекнувањето единици на ХИМАРС ќе биде „клучно“ за да и се овозможи да се спротивстави на руските ракетни напади.
Соединетите Американски Држави очекуваат овие системи Украина да ги распореди во источниот регион Донбас, каде борбите се најинтензивни и каде што може да се користи за удар на руските артилериски единици и сили насочени кон украинските градови.
Претставниците на Белата куќа се согласија да обезбедат проектили за Украина дури откако добија ветување од Зеленски дека оружјето нема да се користи за напади врз цели во Русија.
„Нема да испраќаме ракетни системи во Украина кои би можеле да ја погодат Русија“, изјави Бајден Најновите ракети ќе бидат централен дел од пакетот за поддршка од 700 милиони долари за Украина.
Хеликоптери, противтенковски оружја, тактички возила и резервни делови ќе бидат вклучени во 11-тиот пакет воена помош што САД го одобрија за Украина од почетокот на инвазијата во февруари.
Русија претходно ги предупреди САД дека доколку и испорачаат на Украина вакви ракетни системи, ќе се соочат со жесток контра одговор. Имено, Москва стравива дека со овој дострел на ракети, многу лесно на мета би можеле да се најдат неколку руски градови.
Засега без реакција, но се чини дека првиот потег на Кремљ се воените маневри кои Руските нуклеарни сили од утринава ги одржуваат провинцијата Иваново, североисточно од Москва.
Околу 1.000 војници вежбаат во интензивни маневри, користејќи над 100 возила, вклучително и фрлачи на интерконтинентални балистички ракети Јарс, соопшти руското министерство за одбрана