Андоновиќ: НАТО и Русија го оживуваат заедничкиот безбедносен совет но без преголеми очекувања
По завчерашните билатералните разговори меѓу САД и Русија, во Женева преговорите продолжуваат во Брисел. Советот НАТО-Русија се состанува за да ги смири тензиите. Сепак, не треба да се има преголеми очекувања.
Претставниците на НАТО и Русија денеска се обидуваат да го оживеат стариот дипломатски формат: „Советот НАТО-Русија“. Во есента 2021 година, руската влада ги повлече своите дипломати од НАТО. Генералниот секретар на НАТО Јенс Столтенберг претходно ги повлече повеќето од нивните акредитации. Тензиите меѓу Алијансата и Москва на тој начин го достигнаа својот максиум пропратен со состојбите на истокот од Украина.
Поради распоредувањето на војската на руско-украинската граница, поради поддршката на Москва за Белорусија и поради бројните прекршувања на човековите права во Русија, НАТО ги прекина односите. Но, тоа немаше практични последици, туку само размена на обвинувања и закани.
Ова советодавно тело денска повторно заседава. Според статутот, 30 членки на НАТО и Русија треба рамноправно да разговараат за безбедносните и воено-политичките прашања. Според НАТО, Русија ја прифатила поканата откако американскиот претседател Џозеф Бајден и рускиот претседател Владимир Путин двапати разговарале по телефон во декември поради тензиите околу Украина.
Западот ја обвинува Русија дека подготвува инвазија на Украина со 100.000 војници. Москва ги отфрла обвинувањата.
На денешниот состанок на Советот НАТО-Русија на ниво на амбасадори ќе се разговара за барањата на Русија за безбедносни гаранции и прекин на експанзијата на НАТО кон исток.
Советот ќе се занимава и со обвинувањата на НАТО против рускиот претседател Владимир Путин, кој според Брисел не го почитува суверенитетот на соседните земји.
Токму овие теми не влеваат оптимизам дека двете страни ќе успеат да се договорат за намалување на тензиите кои во моментов се „прекршуваат“ во и околу Украина.
Имено, ниту Москва ниту пак НАТО засега се подгОтовени да оТстапат од своите позиции.
Како дополнтилено „масло на огнот“ дојдоа настаните во Казахстан, и руското воено вмешување во настаните на оваа држава преку организацијата ОДКБ, која се смета како евроазиска воена алијанса пандан на НАТО.
Но НАТО и пред се САД веќе дадоа забелешка за тоа по која основа Русија испратила војска во Казахстан, упте една тема која веројатно денеска ке се расправа на сотанокот.
Останува да се види исходот од денешните разговори, по што ќе следи уште една средба закажана за четврток во Виена во рамките на ОБСЕ. По оваа серија состаноци веројатно ќе е знае дали и што ќе се договорат двете супер сили