Андоновиќ: Клучни битки за освојување на Донбас – Русите напредуваат, но исцрпувачкото темпо ги соочува со недостиг на навремено воено засилување

Деведесет и осми ден од руската воена инвазија на Украина. Руската операција во северниот дел на Доњецк во источна Украина напредува, руската армија ги консолидира своите позиции, додека украинските сили напредуваа на југот на земјата, јавуваат светските агенции, нагласувајќи дека најавите на Западот за дополнителна воена помош за Киев предизвикале закани од Кремљ. Победата во Северодонецк е клучна за Русија, бидејќи падот на привремената престолнина Луганск ќе ѝ даде на Москва контрола врз целиот регион Донбас.

Доколку Русија го освои целосно Севернодоњецк како и помалиот Лисичанск, ќе го држи целиот Лугански регион , една од двете провинции во Донбас на кои Москва полага право во име на сепаратистите. Со освојувањето на целиот Луганск би се исполнила една од главните цели на рускиот претседател Владимир Путин.

Руските сили „делумно успеале“ во битката за Северодоњецк, објави во средата украинскиот Генералштаб, признавајќи дека Русија сега го контролира источниот дел од градот, но истакна дека жестоките борби продолжуваат и на други места.

Се чини дека Москва ги исполнува најавите дека битката за освојување на Донбас е клучна во оваа такнаречена руска спецјална операција и дека од овие битки ќе зависи исходот на овој вооружен конфликт. Имено за овие 98 дена руската воена коаманда на неколкупати ја менуваше стрфатегијата во делувањето на руските воени трупи.

Од окупацијата на Киев и на Харков до нападите кон Одеса и Лавов. Сите овие акции беа спорадичн. Се смета дека Русија полека го губи темпото на воената операција
Неименувани претставници на Пентагон изјавија дека руската армија ги прави истите грешки во заземањето на делови од источна Украина, како и при обидот за окупација на цела земја.

Пентагон темпото на русите трупи е исцрпувачко и оти вкупната борбена сила на армијата е намалена за околу 20 проценти.

Пентагон минатата недела соопшти дека од почетокот на војната во Украина, Русија загубила сто тенкови.

Од друга страна во Украина, руската армија има ангажирано единствено војници кои се под договор. Оттаму ова исцрпувачко темпо на воените операции ја доведува во прашање навреената допуна на руските сили со нови и одморени војници. Москва на неколкупати ја рззледуваше опцијата за прогласување на мобилизација на воено способното население, но засега тоа не го прави. Се смета дека сака да избегне сценарио кое им се случи на САД во шеесетите години на минатиот век за војната во Виетнам кога при прогласената мобилизација се подигна целото американско општество против војната, поради што тогашната американска администрација се соочи со социјален и граќански бунт против војната.

А тоа во моментов е последно со кое сака да се соочи Путин и раководството во Москва.