Андоновиќ: Враќање на Студената воја и сериозно нарушување на светската безбедносна архитектура

Рускиот претседател Владимир Путин во понеделникот призна два сепаратистички проруски региони во источна Украина, а потоа и нареди на руската војска веднаш да започне „мировна операција“. Ова предизвика остри осуди од Западот и ги зголеми стравувањата дека војната е неизбежна.

Засега е нејасно е дали влегувањето на руската армија во самопрогласените републики ќе значи почеток на инвазијата на Украина.
Сè уште не се знае колкав ќе биде бројот на руски „мировници“ и која ќе биде нивната задача.
Потегот на Путин веднаш беше жестоко критикуван од Западот, а тој во својот говор рече дека Западот ќе воведе санкции кон Москва без оглед на нејзините потези во однос на Украина.

Тој ги обвини САД и НАТО дека ја претвориле Украина во воена сцена и повтори дека Москва стравува од распоредување на трупите на НАТО во областа, поради што и се одлучи на ваков потег.

САД и западните држави ајавија санкции кон Русија и соопштија дека според нивните проценки ова е само почеток на руската агресија на Украина која нема да заврши со овие две области . Западните држави очекуваат руската армија да продлжи со насилно отцепување на и останатите делови на Украина
Се огласи и Украина чиј престедател Зеленски во обраќањето до нацијата изјави дека украинците не и се палашат на Русија и дека границите на Украина не се променети. Тој изјави дека очекува поддршка од своите меѓународни партнери во запирањето на руската агресија.

„Ние сме подготвени и способни да се браниме себеси и нашиот суверенитет” соопшти официјален Киев, притоа не појаснувајќи како ќе одговори на рускиот упад во Украина.
А во Добас во моментов интензивно се распоредуваат воените трупи на Русија и се чека конкретен одговор на Украина и западот.
Светот од синоќа веќе не е ист и по 30 години се враќа во повторно во состојба на „ Студената војна“ , блоковска поделеност помеѓу истокот и западот
Или можеби сето ова преставува трасирање на пат кон новиот светски поредок?