Анализа: Ниедна земја не била исклучена од ОН, но Русија се закани со употреба на нуклеарна сила
Никогаш во историјата, од 1945 година откако постои организацијата, ниедна членка не била исклучена од ООН или Советот за безбедност. Но, ние не верувавме ни дека ќе се замрзнат и запленат руски имоти на запад, што не се случило од Октомвриска револуција. Во ООН седат различни земји кои се диктатури и поентата беше сите да бидат на едно место каде што може да се разговара. Но, заканата на Русија за употреба на нуклеарна сила е преседан, вели Слободанка Јовановска од Независен весник за Утрински брифинг.
-Прашањето прв го спомена српскиот претседател Александар Вучиќ. Во американскиот Конгрес веќе се работи на Резолуција на оваа тема. Советот за безбедност на ООН беше практично блокиран поради земји кои не ги почитуваат повелбите на ООН, вели Јовановска.
Традиционалните сојузници на Русија, кои се практично екскомуницирани од меѓународната заедница, не се спротивставија на Резолуцијата на ООН за осуда на руската инвазија врз Украина, оти не може да им се објасни на луѓето дома зошто би се поддржала нуклеарна закана.
-Русија има поддршка во некои земји. Путин последните години почна да инвестира во земји во Европа. Но, купуваше влијание од корумпирани политичари, организации и интелектуалци и олигарси, вели Јовановска.
Русија е земја во која младите сакаат да живеат со светот и не може да не видат кон каде води ова. Освен тоа, светот се обедини против потегот што го презеде Путин а кој е без преседан, па очигледно дека погрешно пресмета, велат аналитичарите.
-Јас како што ја гледам картата, многу е очиледно дека Путин сака да ја подели Украина на два дела. Киев е средиштето на руската православна култура. Тој сака да отцепи половина од Украина и да постави граница. Тој сака да излезе што е можно повеќе на море, а Украина да ја остави мала и слаба и без излез на море. Тоа е идеја на Голема Русија, а таквите идеи се поразителни, вели Јовановска.
Целиот разговор погледнете го во видеото