Агенција за промоција на туризмот: И покрај случувањата, се очекува тиризмот да продолжи да се развива во нагорна линија
Сензитивноста на туризмот во 2022 година ќе биде зголемена, пред се од безбедносен аспект. Годината ќе биде тешка за туристичкиот сектор а поставените стратегии ќе треба да се менуваат, рече денеска во Утрински брифинг директорот на Агенцијата за промоција и поддршка на туризмот, Љупчо Јаневски.
- Минатата година почнавме да развиваме два нови пазари, Украинскиот и Рускиот пазар. Авионски се поврзавме со линија Киев- Скопје, како и со линија Скопје- Санкт Петерсбург и Скопје – Москва,што доведе до зголем број ноќевања. Оваа сезона тој број на ноќевања, очекуваме да биде значително намален поради воениот конфликт, но ќе се трудиме да привлечеме туристи од традиционалните пазари, со што се надевам и очекувам дека во 2022 година ќе имаме подобри резултати за разлика од 2021, рече Јаневски.
Туристичкиот потенцијал на Македонија неодамна беше претставен на саемите за туризам во Дубаи и Истанбул, а месецов промовирање на туризмот ќе се случи во Белград, во рамки на саемот за туризам.
- Чартер линиите од Истанбул за Охрид и новата линија од Измир за Скопје кажуваат дека турските туристи ќе бидат присутни кај нас во претстојната туристичка сезона. На саемот во Дубаи ја претставивме Македонија како неоткриена туристичка дестинација во Европа која треба да се посети во следните неколку години. Нам ни е многу важен дојдовниот туризам. Во 2019 година сме имале 3,2 милиони ноќевања. Во 2021 година успеавме да го постигнеме и да го надминеме стратешкото планирање од 2,2 милиони ноќевања, односно имавме 2,4 милиони ноќевања, а со тоа и 385 милиони долари прилив во буџетот од туризам. Оваа година очекуваме помалку кружни тури, за сметка на аранжманите од три, пет и седум дена. ВоМај, уни и јули очекуваме во Македонија да пристигнат туроператори од земјите од Блискиот Исток, кои потоа ќе ја нудат државата како дестинација во нивните аранжмани. Се надевам дека во 2023 година ќе ги имаме првите туристи од таму, вели Јанковски.
Тој смета дека Отворениот Балкан е одлична можност за развој на туризмот.
- Воспоставувањето на авионска линија Белград- Охрид е многу значајно во текот на сезоната, од мај до октомври, тоа е нешто за што лобираме веќе една година.Исто толку значајна е авионската линија Софија- Скопје која ќе почне да функционира од 27 март. добро би било да има и поврзување на релација Тирана- Скопје. Со авионско поврзување преку кое за најмногу еден час можете да стигнете на посакуваната дестинација, очекувано е да дојдат повеќе туристи, вели Јанковски.